Време е и за тиквиците кои ги готвиме на најчудесни начини, а кај нас, овој начин е старинскиот, ѕирнете, нема да погрешите!
Категорија: Strumichka kujna
Сарма од лозов лист
Време за сарма од винова лоза 🙂
Мислев дека оваа сарма се прави исто насекаде. Во групите за рецепти на фб, видов дека не е така и се зачудив 🙂
Струмички чалбур
Еве најпосле и струмички чалбур, оригинален рецепт 🙂 На мојата страница “Со љубов,за вас” го имав објавено одамна, на Coolinarika исто така, но дури сега му дојде времето на блогот. Пробајте, старински вкус и арома која не ве остава рамнодушни…
Продолжи со читање “Струмички чалбур”
Богат чалбур
Чалбурот во уште една варијанта, со ќофте, компир и сирење.
Ова е моја варијанта, инспирирана од традицијата и струмичките чалбури. Излезе многу вкусно.
Слатко од трендафили
2013 година ми беше година на слатката. Тогаш ги сликав и објавував…Многу од слатката правам секоја година, редовно, но ова слатко не, за жал. Тогаш се потрудив бајаги за да најдам некалемени трендафили и така остана овековечено, преубаво!
Го правев во мај, тогаш му е времето и е нешто невообичаено, навистина.
Слатко од јагоди
Направив пауза, простете што не објавував, но после крвавиот четврток во Македонија, ми требаше време да се соземам, време да бидам со мисла, душа и срце, таму! Таму, дома.
Пролетен просеник
Претпоставувм, рецепт за просеник имате сите, т.н. проја. Мојот рецепт е негде од 80 те години на минатиот век, кога почнавме да ја употребуваме палентата.
До тогаш рецептите за просеник беа со пченкарно брашно, може и без јајца, посни или не, беа поинакви, а сега се враќаат во мода од здравствени причини…
Јагнешка капама
Пролетта во кујната мириса на капами, полнети плешки, дроб сарми, полнети сплини, кукуречи 🙂 Многу ги сакам овие јадења, ме потсетуваат на детството, на едни среќни времиња…
Си ги правам и овде, освен кукуречот, нема такво нешто да се купи, порача, или уште не сум нашла, не знам.
Правам неколку варијанти на јагнешка капама, со ориз, со спанаќ, со компир, мешано…
Кисела јагнешка чорба
Ајде уште оваа јагнешка чорба и после ќе правиме зеленчукови!
Јагнешките чорби секогаш ни се како целосен оброк, заситуваат многу.
И оваа чорба е забелена со јајце и лимон, не бива без нив 🙂
Чорба од јагнешка глава
Чорбата од јагнешка глава бара малку повеќе време на подготовка, ама затоа ми е една од омилените. Баш со ориз, така мајка ми ја прави, а така и баба ми ја праваше. Со лимон и јајце забелена, ништо посвежо во пролетта.
Не знам, но дали дека сум го вдишила воздухот за прв пат во пролет, или е друго во прашање, стварно не знам, но сите пролетни јадења ми се така длабоко врежани што аромата ја чувствувам пресилно секогаш, најомилени ми се 🙂
Чорбата од јагнешката глава е едно од тие јадења, а ние си го имаме како целосен оброк, не само како чорба пред главното јадење…