Можеби ова јадење е повеќе за во зима, но мене ми е убаво секогаш. Вкусно, посно јадење кое може да замени оброк. Има многу варијанти, многу рецепти, а и јас секогаш различно го правам…
Кој не сака посно, со сиренце е преубаво!
Ознака: praz
Тавче грав со зелка
Кога ќе ви остане грав, можете да направите вакво тавче. Брзо се прави, многу вкусно е, а и здраво. Оваа тавче доаѓа од селска кујна, на која и нема замена, на која ништо не може да и биде конкуренција. Најубавиот леб, најубавите јадења под вршник, тави, манџи, зелници, по мој вкус се, и со ништо споредливи.
Начинот на подготовката, спороста на готвењето, природните состојки, досетливоста на домаќините, комбинациите на храната, уникатните вкусови на пржено месо, колбаси… сето тоа ја прави уникатна.
Пиде со праз и карфиол
Турското пиде е нешто како пица, само што има форма на чамец. Мислам дека најчесто е со мелено месо, но и со најразлични додатоци. За разлика од пидето, лахмаџунот, преубав нивни специјалитет е со мелено месо, без толку зеленчуци…Е сега сите си правиме по свое, а како и не би, турската кујна ми е најубава, најблиска, без да навлегувам повеќе во таа тема 🙂
Веќе имам објавено рецепт кој може да го видите овде.
Оваа пиде е со праз и карфиол, ептен здраво пиде 🙂
Еден поинаков зелник
Уште еден домаќински рецепт- Зелник со кисела зелка и грав.
Без киселата зелка и гравот, од здравствени причини не би требало да ни помине зимата.
Зелката полна со Ц витамин, гравот извор на протеини.
Верувале или не, со сите свои додатни вредни состојки го спасувале народот од многу болести и благодарение на нив преживувал.
Ако имате подготвено кисела зелка со гравче, или одделно, искористете ги, ставете ги во тесто и имате преубав ручек 🙂
Кисела зелка со праз-посно
Посебно ја сликав зелката, зашто и посебно ја правев. Правев една посна тава и уште една со месо.
Мене не ми треба месо, може колбаси, но пак мала количина. Вака е преубава 🙂
Кисела зелка со свинско
Киселата зелка и последни тави-манџички за оваа зимска сезона…
Се изнајадовме сарми, посни, со месо, со ореви, праз, налик на прилепски, струмички, убавина 🙂
Оваа јадење е исто така традиционално, нема крај каде не се прави, како подварокот е…
Еве како јас го правам:
Чалбур со праз и суви пиперки
Не еден, та дури четири основни рецепти за чалбур имам, благодарност до пријателите кои ги кажуваат рецептите од нивните краеви, претежно јужните.
Еве еден струмички рецепт, со праз и сирење. Инаку чалбурот во основа е јајца, пуштени во водата, поточно во кашаста манџичка со сирење. Е сега дали лук, кромид или праз, кисело млеко или сирење и брашно, зависи од рецептот.
Ориз со печурки
Ги гледам сликите од порано, посебно за оризот и ја гледам разликата. Нема поубав од кочанскиот ориз, но секако не од пазар. Што дека купив, не е тоа тоа… Поздрав Никола, нема поубав ориз од вашиот, следниот пат да се снабдам треба 🙂
Еве уште една комбинација на задушен ориз, овој пат со печурки.
Струмички зелник-крашник со праз
Веќе имам објавено еден зелник инспириран од струмичкиот, може да го видите овде.
А ова е оргинал струмички, како знаат да кажат моите Струмичани.
Рецептот за тестото го добив од мојата почитувана пријателка д-р Љубинка Вета, која со љубов си ја негува традицијата, прави преубави специјалитети инспирирани од традицијата, но и нови, нејзини креации. Драга Љубинка, благодарам од срце, зелникот е преубав.
Сакам да им порачам на младите дека не треба да се плашат од работа со тесто, може да биде многу интересно. Треба само да имате добра воља.
Kavrma so svinsko
Edno od najubavite zimski jadenja e svinskata kavrma, potočno zadušeno svinsko so praz i piperki.
Sigurno sekoj sam si prilagoduva detali, varijanti ima poveke, no vo osnova receptot e toj, prevkusno jadenje.
Bidejki imam praz preku cela godina, go pravam često, na ringla, vo rerna, so testo, so kori, vo razni kombinacii…
Starinsko jadenje koe veruvam site go sakaat…