Категорија: Desert

Палачинки А ла Водно

ДВЕ ВЕРЗИИ

Почитувани посетители, драги мои, продолжуваме со рецептите.
Некои од нив се веќе објавени минатата или оваа година, па само ќе се потсетиме на нив.
Секако дека ќе има и сосема нови, досега необјавени рецепти.
Но овие кои веќе негде биле објавени, многумина немале можност да ги видат или ги подзаборавиле, па ете коначно си доаѓаат “дома”, редно беше.
Си доаѓаат каде што им е местото, на блогот.

Минатата година, некаде во јули месец, бев прочитала едно убаво сеќавање за врелите летни вечери во Скопје, излегувањето по бавчите и по терасите на рестораните, поточно сеќавање за скопските палачинки…
Убави времиња…
Се сеќавам и јас, лесно е да се вратат убавите спомени…
Родителите нé носеа најчесто на палачинки во Гранд хотел или Панорама, а во парк на ќебапчиња, како помали…
Продолжи со читање “Палачинки А ла Водно” →

Добре дојдовте, драги мои

Денес е радосен ден!
 
Денес, поточно ноќта помеѓу 7 и 8 август 2016, значи точно пред 10 години, го отворивме блогот, на наша, посебно на моја радост.
Но, времето покажа дека е на радост и на многумина, кои како што самите велат, учеле да готват од мојот блог и од моите рецепти.
И на радост на сите кои искрено ми пишуваат дека се благодарни за старинските рецепти, но и за многуте новосоздадени.
Благодарни за сите идеи за декорирање, совети, но благодарни и на носталгичните приказни кои ни го носат времето кое мириса на среќа….
И секако, благодарни за прекрасните фотографии за кои сум посебно врзана.
 
На сите кои макар кратко сте ѕирнале овде, макар нешто малку сте се инспирирале да направите, бескрајно Ви благодарам!

За жал, времето кое го имав од 2012 год. за посветеност на објавување рецепти, траеше до 2018 год., кога повторно се вработив.
Готвев, фотографирав, но не бев во можност да објавувам, имав други приоритети.
Минатата година, повторно се создаде можност за објавување, почнав да го правам тоа, но воглавно во групи за готвење.
Едвај нешто ставив на мојата фб страница – Со љубов, за вас.
За блогот, кој бара многу поголема посветеност и време, не доаѓаше ред.
И така, малку по малку, почнувам да се враќам…
Иако темпото не може да биде исто како што било, важно е да не се откажуваме.

Времињата се менуваат…
Сега е време на видеа, најкорисни и најпрактични за учењето за готвење.
Но јас останувам на старинскиот начин на доживување и импресија од храната, преку чудесната моќ на фотографијата. И секако, волшебната моќ на приказната…

Денешниот јубилеј ќе го одбележам со една топла приказна за моите сакани и еден актуелен, многу модерен, здрав начин на сервирање и јадење овошје.

 

Оризови кори – тантели со овошје

Продолжи со читање “Добре дојдовте, драги мои” →

Снежни колачиња

После една долга пауза, еве ме повторно. Беше и би селидба 🙂 Срцето на место, живи здрави, ќе раскажуваме долго, долго…

Продолжи со читање “Снежни колачиња” →

Колач со сливи и ореви

Во сезоната на сливите, еден колач, преубав, превкусен, старински.
Е, само што ми се случи да немам прашок за пециво, ееех, мене тоа да ми се случи…

Продолжи со читање “Колач со сливи и ореви” →

Агнеса, кралица на ситните колачи

Агнесата има многу имиња, прекрстувана е многу низ годините, а и по малку менувана.

Често се среќава како месечинки, или само до жолтиот фил, со поинакви имиња, не ги знам сите…
Оригиналниот рецепт е многу стар и треба да ги има трите делови, тесто, жолт фил, па чоколаден фил и посипано ореви.

Продолжи со читање “Агнеса, кралица на ситните колачи” →

Кокосовки

Не ми се верува дека цела година не сум ги постирала овие суви колачиња кои нема кој не ги сака. Брзи, вкусни, издашни, погодни за замрзнување.
Во Струмица, откако кокосот стана актуелен, редовно се правеа, и за арно, и за лошо, а бидејќи се посни уште повеќе си го најдоа своето место.

Продолжи со читање “Кокосовки” →

Чизкејк со овошје

Топло беше сеуште кога ја правев оваа торта, па за годишнината на блогот правев и друга, но во основа не се разликуваат многу. Да не бидам во тренд, не бива, иако овие торти не се по мој вкус баш. Никако не се навикнав на крем шантили и овошје, никако.
Убава е, вкусна, освежителна, но не е моја торта, како велиме 🙁

Продолжи со читање “Чизкејк со овошје” →

Слатко од модри сливи 3

 

За новитетите, односно за она што го правам прв пат, ќе речам искрено, ме прати почетничка среќа што велат, помешана со натежнатото искуство.
Има само едно слатко од кое не бев задоволна, а тоа е слаткото од сливи, та дури правев од жолти сливи, да компензирам 🙂

Продолжи со читање “Слатко од модри сливи 3” →

Ивини колачиња со модри сливи

Кога бевме мали, мајка ми често печеше сливи со ореви.
Може да биде прекрасно слатко, но исто така и преубави колачиња, ем без речиси никаква работа, а многу вкусни.

Кога се брзате, и немате време да се посветите на кујната, е тогаш се добредојдени, а посебно добредојдени за младите вработени мајки.

Се сеќавам кога Ива беше мала, печев сливи со ореви и јас, само ете, таа генерација ги збогативме колачите и со шлаг, што им дава уште поубав вкус, иако и без шлаг се со посебен вкус.

Продолжи со читање “Ивини колачиња со модри сливи” →

Слатко од кајсии

Одморив ден-два, продолжувам 🙂

Кајсиите многу ги сакам, посебно печени во тесто, торта, зашто стануваат уште поубави. Ако се премногу благи, при печењето стануваат красатки, мераци.

Продолжи со читање “Слатко од кајсии” →