☙ ❤︎ KOGA DAVAME HRANA, DAVAME LJUBOV I OBRATNO! ♡ BLOGOT E POSVETEN NA MOJATA IVA ❤︎ ❧
Макалото е потипично за западниот дел на Македонија, каде сувите пиперки се неизбежен дел од кујната. Рецептите се многубројни, за разлика од југоисточниот дел каде има пак и сосема поинакви рецепти. Самото поднебје, односнo услови и клима го одредувале тој начин на обработка на пиперките.
Продолжи со читање “Макало со компир и суви пиперки на мој начин”
Не дека јанија со месо не е убава, преубава е, но кога би бирала, секогаш посна би одбрала.
Кај нас јаниита се прави со компир, пиперка, морков и домат. Побогата е ако има и бамји кога им е сезоната. Знам дека секое семејство си врти по свое, грешки нема, без варијанти не се може, како сите би биле среќни 🙂
Кај нас сирењето воглавно се пржи, мајка ми не може да го јаде непржено, а иста беше и Ива, тешко го поднесуваше мирисот на свежо сирење. Баба ми Донка, по татко ми, исто, никако непржено.
И така за појадок или вечера, прженото сирење, прво на листата, цел живот 🙂
Кога ќе ви остане грав, можете да направите вакво тавче. Брзо се прави, многу вкусно е, а и здраво. Оваа тавче доаѓа од селска кујна, на која и нема замена, на која ништо не може да и биде конкуренција. Најубавиот леб, најубавите јадења под вршник, тави, манџи, зелници, по мој вкус се, и со ништо споредливи.
Начинот на подготовката, спороста на готвењето, природните состојки, досетливоста на домаќините, комбинациите на храната, уникатните вкусови на пржено месо, колбаси… сето тоа ја прави уникатна.
Колку и да избегнувам поховано, понекогаш не можам да се воздржам. Мајка ми многу правеше, шницли, патлиџани, тиквици, сето тоа се подготвуваше поховано, не како денес…
Така бевме навикнати, преубав вкус! Потоа дојдоа времиња кога многу се пишуваше да се избегнува, заради зејтинот кој прегорува, заради брашното…Но и на тоа се наоѓа решение, па може да си дозволиме понекогаш.
Кога ќе речеме турли тава, мислиме на мешана тава. Во разни краеви се прави различно, но и секој си врти по свое, а тоа воопшто не го менува главниот рецепт и вкус.
Дали ќе се стави некој зеленчук плус, дали ќе се пржи претходно зеленчукот, дали месото ќе се пржи или вари претходно, сето тоа е обичај, традиција или личен вкус.
Овој рецешт, доаѓа од хроно исхраната, се воодушевив кога го видов негде, и не згрешив што го пробав. Не се сеќавам дали имаше пиперка, но јас без пиперка не можам 🙂
Продолжи со читање “Пилешко со карфиол”
Едни поинакви пирошки, а вкусни, превкусни. Ги видов на Интернет, па ги прилагодив.
Инаку пирошките ги сакаме многу, а овој начин на подготовка, ќе ве натера да ги направите во секое време. Нормално, прилагодете си го рецептот и вие 🙂
Продолжи со читање “Брзи пирошки”
Едноставни, брзи и секогаш на трпезата, во разни комбинации…
Тиквици на сто начини 🙂
Разноврсноста ја краси нашата трпеза, а и нашето здравје.
Овој пат подварени и полнети со бунгур, помешан со зеленчук.
