Лиснат бриош

Лиснат бриош
Лиснат бриош

Кога дојдов овде, го славевме Велигден со швајцарски специјалитети, иако тие немаат некоја строга традиција…
Сега секој празник го славиме според нашата традиција, Мишел си прифати, што ќе прави, нема бегање од нашата кујна 🙂 За среќа многу му се допаѓа. Но секогаш си правам и некој нивни специјалитет… Или француски, зашто слични се некои.

Оваа година направив бриош, лиснат бриош- brioche feuilletée.
Некои од вас веднаш знаат дека е нешто совршено!
И навистина е! Импресионирана сум од вкусот, од изгледот, од резистентноста. Еве колку денови е  веќе, се мислев како да го чувам, решив да не го покривам, и не згрешив.
Уште е крцкав однадвор, неверојатно!!! Уште мириса секаде на махлеп!
Во ред, има бајаги ангажман развлечен низ денот, но цело време си работев и други работи додека го чекав тестото да стаса или да се лади во фрижидерот…
Не се прави секој ден 🙂 , така вели и авторот на оној бриош што го видов на нетот и што решив да го направам, колку и да е сложено, а во суштина не е!
Значи станува збор за француски бриош, многу познат  и многу популарен, но оваа форма е поретка зашто ќе ти го покаже, или упропасти трудот, сé се гледа 🙂

Бриош всушност е врста на леб обогатен со путер, јајца и шеќер, ние велиме земичка.
Зборот бриош прв пат се употреува во 1404 година во Франција, а во 18 век достигнува најмногу слава заради големата употреба на путерот.
Се сервира за појадок, тоа му е намената која потекнува од црквеното лепче, денес усовршено, но кога е вака стокмен, лиснат, може и како десерт, зошто да не?

Состојки

Тесто

  • 510 гр брашно
  • 1 кафено лажиче сол
  • 40 гр шеќер
  • 1,5 дл млеко
  • 1 сув квасец
  • 3 јајца
  • 50 гр путер на собна температура
  • малку махлеп

За додавање во тестото

  • 300 гр путер

Шербет

  • 30 гр шеќер
  • 30 гр вода

И уште 100 гр гранули шеќер.

Постапка

  1. Најпрво се прави шербетот, зоврива неколку минути и се трга на страна.
  2. Потоа во робот или миксер со перки за тесто, се додаваат шеќерот, јајцата, млекото, брашното и квасецот одозгора. Се миксира-меси, 5 -8 минути. Треба да се направи топка, па се додава путерот и солта, а и малку махлеп што е мој додаток.
    Лиснат бриош
  3. Се измесува убаво, се покрива и се остава 1,5 час да нарасне.
    Лиснат бриош Лиснат бриош
  4. Потоа се меси со раце за да излезе воздухот, топката треба да се намали и се остава 5 -10 минути во фрижидер да се излади.
    Лиснат бриош Лиснат бриош
  5. За тоа време се подготвува путерот од 300 гр. Се поставуваат парчиња на хартија така да формираат правоаголник.
    Лиснат бриош
  6. Се преклопува со краевите на хартијата и врз хартијата се притиска со оклагија како што сукаме, за да путерот достигне големина 20 x 25 см.
    Лиснат бриош Лиснат бриош Лиснат бриош
  7. Се става во фрижидер за да бидат иста температура со тестото.
  8. Сега изладеното тесто се сука, но тоа не е сукање како нашето тесто, туку само се рола оклагијата. Тестото треба да биде димензии 45 x 25 см.
    Лиснат бриош
  9. Сега се става путерот на средина на тестото, и се преклопува со двете страни од тестото.
    Лиснат бриош Лиснат бриош Лиснат бриош
  10. Се сука до 70 см должина, се преклопува третина, па се прави и од другата страна исто, за да путерот остане внатре. Значи се преклопува како пакетче и се става 20 минути во фрижидер.
    Лиснат бриош Лиснат бриош Лиснат бриош Лиснат бриош
  11. Се повторува постапката 3 пати, како за секое лиснато.
  12. Потоа се сука кора 35 x 45 см, се става гранули шеќер, но последните 3 сантиметри остануваат празни. Таму се мачка шербетот за да се затвори добро ролатот. Јас ги искористив моите розевки шеќерчиња, перфектно се вклопија.
    Лиснат бриош Лиснат бриош Лиснат бриош Лиснат бриош
  13. Се витка ролат, линијата да биде одоздола, се притиска за да се залепи, и се смрзнува 20 минути на тацна некоја за да се сече убаво.
  14. Се нанесува путер на два калапи, се сечат парчињаод 4,5 см, се редат во калапите како на сликите.
    Лиснат бриош Лиснат бриош Лиснат бриош Лиснат бриош
  15. Се чека да нараснат до 1 час…
  16. Се пече на 180 степени до 30 минути. Видов дека за рерните дискусијата е голема, значи ќе мора сами да процените. Французите сакаат многу прегорено лиснато, јас не. Мене ми беше предизвик да се исцрви, но да не изгори!
  17. Кога ќе се извади, се капнува малку шербет.
    Ако путерот се чини многу, и јас ќе пробам да го намалам на 250 гр следниот пат, мислам ќе бидат исто убави.

Појадок или десерт, волшебен вкус и изглед!

Пријатно!

Лиснат бриош Лиснат бриош Лиснат бриош

 

Еве ја и галеријата, премногу фотографии од процесот, но мислам дека е јасно 🙂

 

Loading Facebook Comments ...

Напишете коментар