Знаете дека е потребно да се јаде често риба, еднаш до два пати неделно, велат сручните лица. Колку тоа го практикуваме, зависи од многу причини, но секако советот е добар.
Состојки
- по потреба, филе риби, ова беше бакалар
- неколку компири
- свеж спанаќ
- сол, црн бибер,црвен пипер
- маслиново масло
- лимон
Постапка
- Се варат неколку компири во солена вода.
- Потоа се длабат со некоја алатка, јас користев алатка за вадење на средината од јаболката.
- Врз секое филе се реди свеж спанаќ, па компир, зачини и се витка како ролатче, се прикачува со чачкалица.
- Се стават во тавче со хартија и се печат колку рибата да е готова, околу 20 минути. Треба да се внимава рибата да не се исуши.
Е па воила, од убаво, поубаво, и на вкус и на изглед, корисно за здравје!
Лимон, зачини по желба, чинија полна здравје!
Пријатно!
