Реков дека сувите пиперки ми станаа главна состојка, главна храна, секогаш во комбинација… Едноставно ги обожувам.
Јас сум Македонка, верувам и во едни поинакви креации на храната, верувам во трансформацијата на храната, за да не се фрла, за да се искористи максимално, а да се создаде превкусно јадење!
Трансгенерациска порака 🙂
Често моите оброци се токму такви!
Кога ќе остане од оброкот, предизвик ми е да направам комплетно ново јадење.
Токму така настана и оваа јадење, инспирирано од традицијата.
Рецептот за тараната може да го видите овде, доколку ве интересира.
Состојки
- подготвена тарана
- суви пиперки за полнење
- брашно
- маслиново масло
Подготовка
- Ако ви остане тарана од преубавата манџа од линкот, искористете ја, ако немате, направете нова.
- Едноставно, испржете кромид, лук и пиперка ситно сецкани, додадете тарана и вода, зачинете по вкус и варете додека тараната биде готова. Не треба да има многу вода, додавајте по малку.
- Подварете суви пиперки, потоа наполнете ги со тараната, завалкајте ги во брашно и ж,шнете ги на зејтин.
Знам дека нé има многу кои секој ден би го јаделе ова. Немам зборови, вкусно, декоративно, ароматично!
Сервирајте го топло со некоја зелена салата, но и самото тоа може да биде како салата!
Пријатно!
