Ивини бомбици од палента

 

Палентата, кога дојдов овде, веднаш ја прекрстив, полента се вели. Не сум си го заборавила јазикот, таман работа, но ете палентата, лесно стана полента.

Инаку, нема странец или Швајцарец што не сум ги убедувала дека нашоит јазик и говор се генијални, читај како што пишува, пишувај како што говориш, така ли беше? Е па тоа за мене е генијално, зарем не?

Најчесто поставувано прашање на курсот по француски, од сите нас, беше: “Зошто?” “А зошто?” Зошто е така, зошто глаголот е променет така, зошто не важи правилото, зошто, зошто, зошто…
Драгата ни професорка ќе се насмевнеше на очајните наши прашања и ќе речеше : “Mais c’est français!”
Е па така де… Така некако и јас, мешајќи ги јазици секојдневно, плус силен дијалект, палентата ја прекрстив веднаш. Можеби зашто овде многу се користи, па и јас си ја сакам многу, и ете така, бајаги ја зачестив.
Бомбиците беа прекрасни, комбинацијата одлична, посебно со кимот и се спремам да направам нови, со друг фил, здравје само…

 

Состојки

  • палента
  • маслиново масло
  • сол
  • мелено месо
  • ким

 

Постапка

  1. Дозите прилагодете си ги према потребите. Сварете палента од прилика една мала чаша, во 3 пати повеќе вода, сол и маслиново. Се вари кратко, треба да се меша за да не се зафати и да не прска многу.
  2. Меленото месо веќе реков, испржете го со кромид, лук, пиперка, морков, зачини. Или како што вообичаено си го правите.
  3. Палентата треба да се олади за да се прават бомбици. Ќе треба убаво да ја промешате, може и со рака да се измеси малку.
  4. Ставете парче на дланка, на средина мевце и направете бомбица.
  5. Бомбиците посипете ги со ким.

Сите бомбици беа превкусни, но може да си ги направите и со други филови.
И не само превкусни, многу декоративни беа, а за мезе, навистина се најдобри. Мене ми значи и што се многу здрави и едноставно подготвени.

Летната даска може да ја најдете овде, таму се срвирани бомбиците…

Пријатно!

  

 

 

Loading Facebook Comments ...

Напишете коментар