Струмички чалбур

Струмички чалбур јајца
Струмички чалбур јајца

Еве најпосле и струмички чалбур, оригинален рецепт 🙂 На мојата страница “Со љубов,за вас” го имав објавено одамна, на Coolinarika исто така, но дури сега му дојде времето на блогот. Пробајте, старински вкус и арома која не ве остава рамнодушни…

 

Состојки

  • јајца
  • брашно
  • црвен пипер
  • сирење
  • лук
  • сол, буковец, црн пипер,магданос
  • зејтин

Постапка

  1. Се пржи лажица-две брашно внимателно, пред крај се додава црвениот пипер.
  2. Се додава ладна вода и се остава да вари на средна температура со мешање…
  3. Во водата се спушта сирење на мали парченца и лук на тенки листови.
  4. Потоа се ставаат јајца и зачини.
  5. Се вари до саканата цврстина на жолчката.
  6. Се прелива со испржен црвен пипер и буковец.

Брзо и вкусно јадење, за 15 минути е готово 🙂 Битно за да не изгори црвениот пипер е да го тргнете тавчето на страна со угорениот зејтин и тогаш да го додадете црвениот пипер и буковец.
Секако ви треба бајаги лепче како и за секоја наша манџичка 🙂
Жолчките по желба, ние сакаме да не се многу сварени.
И да ве потсетам, ова се јајцата на вода, толку познати во светот 🙂

Loading Facebook Comments ...

Напишете коментар