Пиварки

Пиварки
Пиварки

 

Познатите пиварки, едни од најубавите старински колачиња. Оваа варијанта има кокос и толчени ореви.

 

Состојки

  • 1 кг брашно
  • 500 мл масло
  • 250 мл пиво
  • една шака гриз
  • 1 прашок за пециво
  • 1 ванилин прашок
  • толчени ореви
  • 100 гр кокос

Шербет

  • 800 гр шеќер
  • вода колку да се залие шеќерот
  • лимон
  • кокос или мелени ореви за посипување

Постапка

  1. Се замесуваат сите состојки.
  2. Се прават мали топчиња.
  3. Се стават во плех од шпоретот на хартија и се печат на 180 степени.

Шербет

  1. Се залива шеќерот, водата да биде над шеќерот.
  2. Зоврива кратко, неколку минути, се додава лимонот.
  3. Секое колаче се натопува во шербетот, а остатокот се истура врз сите.
  4. Се посипуваат со кокос или мелени ореви, по желба.

Оригиналниот стар рецепт е само со ореви, со кокос се поновите рецепти, но и тие се многу стари веќе 🙂
Овде гризот си го прави своето, неповторлив вкус им дава… Кој може да им одолее?

Пријатно!

Пиварки

 

Loading Facebook Comments ...

Напишете коментар