Еден од начините на кои го правам компирот, печен, а како пржен. Со лук и пиперки, добива преубав вкус, редовно ги ставам во тавата со компирот.
Категорија: Dobredojdovte
Кајгана со колбаси
Јагнешка каварма со спанаќ и ориз
Еве една јагнешка тава која се прави брзо. Потребно е јагнешко филе кое се пржи кратко, сочно и меко е, на скара или грил тава, преубаво е.
Ивини тортици
Тортиците сум ги правела 2014 година, не сум ги објавила никогаш како и многу други рецепти.
Направени се од пченица, ореви и слатко од портокал.
Здрав десерт, но и оброк за време на пости.
Елбасан тава
Дојде времето за јагнешко месо…Го подготвувам на повеќе начини, го сакаме…
Но никако не можам да разберам какво е тоа јагнешко без масно? 🙂
Е такво е и се продава на грамчиња, 15о гр, 226 гр.Чудо! Нејсе, имало чаре и за него, во некои месари може да се најде како што сме навикнати, а има и во кланиците 🙂 Продолжи со читање “Елбасан тава”
Домашна урда
Во странство нема урда, можеби во некои балкански продавници, но не е како нашата. Немам некое знаење за урдата, но знам дека има два вида.
И така, благодарение на Интернетот, и затоа што овде нема, после многу километри потрага, ќе си правиш домче. Имам 3 рецепти за домашна урда.
Продолжи со читање “Домашна урда”
За садовите…
Нашите нови садови, здрави ли се?
Се надевам еден ден ќе имам време да пишувам за некои умни работи, а не за вакви информации.
Но ете, таков е моментот…
Би сакала да се пожалам на земјаните садови. Ги сакам, готвам и сервирам во нив.
Еден ден посакав да ги заменам најстарите и оштетените…
Со сет мерак купив во Македонија неколку.
Набргу на некои од нив се појавија чудни бои, како да се мокри, иако ги сушев во рерна, секогаш пред да ги оставам во плакарот.
На најомилената тава, се појави најмногу зеленкаста боја…
Еден ден ми притреба едно мало грне, кога што да видам! Целото во мувла!!! Од памет се извадив!
Маж ми го изми сто пати, и со оцет, а јас лута и распаметена, се прашував како е можно?
Ние немаме таква влага, иако сме на езеро…
Пред некој ден прочитав дека ако во глината имало мувла, таа ќе се шири и во садот…
Стварно не знам што да речам, но и ги спакував на жената од која ги купив, и имам нмера да и ги вратам!!!
Внимавајте, јас се подлажав по форма каква ми требаше, верувајќи дека сите се подеднакво квалитетни. Редовно купувам од таму, ми се видоа чудни некои бои, но баш такви форми ми требаа, а и жената ми ги посочи тие како најдобри…
Сега се покажа дека боите се мувла!
Не сликав од распаметеност! Како, како е можно такво нешто????
Сите мои мусаки-обична со компир
Сега најобичната мусака со најстари фотки… Во иднина ќе ставам нови фотографии, но не сакам да си ги отфрлам првите фотографии, важни ми се и тие 🙂
Најобичната, класична мусака е со компири и мелено месо.
Компирите може да ги потпечете претходно во рерна. А баба ми и мајка ми едно време ги пржеа, но ете денес избегаваме.
Карфиол, тиквици и пиперки со кашкавал
Карфиолот почнав да го засакувам, браво за мене! Го користам многу, во чорби, а и на разни начини подготвен…
Оваа шарена комбинација беше гарнир на кременадли. Ја препорачувам и како засебна посна, со посен кашкавал.
Пролетна посна тава
Еве една тава која ја правиме со мерак, на прагот на пролетта… Едноставна, а колоритна и… Откријте!