Модриот патлиџан или црн патлиџан, па и плав, син, многу имиња има кај нас.
Ама и многу се готви. Старински јадења, нови јадења… Сто варијанти! И преку сто!
Категорија: Dobredojdovte
Јагнешка капама
Пролетта во кујната мириса на капами, полнети плешки, дроб сарми, полнети сплини, кукуречи 🙂 Многу ги сакам овие јадења, ме потсетуваат на детството, на едни среќни времиња…
Си ги правам и овде, освен кукуречот, нема такво нешто да се купи, порача, или уште не сум нашла, не знам.
Правам неколку варијанти на јагнешка капама, со ориз, со спанаќ, со компир, мешано…
Ивини машнички
Деновиве сум пресреќна од вашиот интерес и посетата на блогот!
Велигденската трпеза предизвика голем интерес, со денови одговарам на вашите преубави зборови и пофалби. Вашата поддршка, драги мои ми значи многу, вашиот огромен интерес ме радува многу, ви благодарам од срце!
Добивам понуди за ТВ гостувања, но ете, далеку сум многу, многу 🙁
Тробојна солена обланда
За празници обавезно правам некој ролат, реден или ролован.
Кај нас трпезата секогаш е разноврсна и во обични денови, многу табиетлии имаме во семејството :), некој не јаде ова, друг она и така за секој понешто, а таа традиција ја продолжив и јас.
Но мислам дека таква е и струмичката трпеза, се вади разноврсна храна, сé се става на маса.
Лиснат бриош
Кога дојдов овде, го славевме Велигден со швајцарски специјалитети, иако тие немаат некоја строга традиција…
Сега секој празник го славиме според нашата традиција, Мишел си прифати, што ќе прави, нема бегање од нашата кујна 🙂 За среќа многу му се допаѓа. Но секогаш си правам и некој нивни специјалитет… Или француски, зашто слични се некои.
Кисела јагнешка чорба
Ајде уште оваа јагнешка чорба и после ќе правиме зеленчукови!
Јагнешките чорби секогаш ни се како целосен оброк, заситуваат многу.
И оваа чорба е забелена со јајце и лимон, не бива без нив 🙂
Чорба од јагнешка глава
Чорбата од јагнешка глава бара малку повеќе време на подготовка, ама затоа ми е една од омилените. Баш со ориз, така мајка ми ја прави, а така и баба ми ја праваше. Со лимон и јајце забелена, ништо посвежо во пролетта.
Не знам, но дали дека сум го вдишила воздухот за прв пат во пролет, или е друго во прашање, стварно не знам, но сите пролетни јадења ми се така длабоко врежани што аромата ја чувствувам пресилно секогаш, најомилени ми се 🙂
Чорбата од јагнешката глава е едно од тие јадења, а ние си го имаме како целосен оброк, не само како чорба пред главното јадење…
Шкето
После прејадувањето од Велигденските гозби, потребна ни е чорба, нешто воденесто 🙂
Традиција во Струмица е да се јаде шкето во денот после празникот.
Пастелни јајца за Велигден
Верувам дека вие знаете поубаво од мене да вапцувате јајца, сега се достапни премногу техники и треба само малку воља.
Не сум ги испробала сите начини, секако, а оваа година посакав пастелни бои. Догодина и нив ќе ги дотерам повеќе, сега беше како за прв пат. Важно е да се со многу кратко време на допир со бојата.
Е за да ми биде сé во знакот на шеќерчињата, посипани се и они, а се лепат со белка. Исто и чипката се лепи со белка.
Сакав да направам на старинскиот начин со тантелата во чорапа, како што ставаме зеленко, но заради краткото потопување во бојата, не се појавува тантелата, па морав вака.
П.С. Лилата е за контраст 🙂
Велигденска трпеза
Честит Велигден!
Христос воскресе!