☙ ❤︎ KOGA DAVAME HRANA, DAVAME LJUBOV I OBRATNO! ♡ BLOGOT E POSVETEN NA MOJATA IVA ❤︎ ❧
Полнетата плешка е најомилен специјалитет на Струмичани, покрај дроб сармата, полнетите сплини и полнетото пиле.
Имаме многу сезонски јадења, но ова е врвот на нашата кујна, барем според многумина Струмичани кои го издвојуваат рецептот како најубав и најчесто правен за Велигден.
Новите фотографии допрва ќе дојдат, а овие ги собирав од порано објавените.
Како ги одбележуваме деновите пред Велигден?
Денес и утре се најтажните денови во историјата на Христијанствто.
Велики Четврток и Велики Петок.
Ми останаа белки, па се знае, комисброт и тоа уште поубав :-), а рецептот може да го видите овде.
Ви го препрачувам колачот за празникот 🙂
Се сеќавате на белиот комисброт? Е денес си правев нешто слично, а различно.
Воодушевена сум, ќе следува рецептот, ама за да го натокмам како сакам, морав да си направам и пралини!
Познатите пиварки, едни од најубавите старински колачиња. Оваа варијанта има кокос и толчени ореви.
Ви ветив нешто уникатно со јагнешко, но не е ова. А сепак и ова јадење ми е во оние перфектни вкусови, за мене многу прифатливи, заради дојранско-струмичката кујна на која сум навикната.
Една варијанта за котлетите кои се преубави на скара, но може и вака, да не е само суво мевце…
Благодарение на видеата, денес може лесно да се направат сите рецепти. За жал, не можеме сите да имаме видеа од готвењето, снимањето бара уште поголем ангажман, повеќе лица или барем уште една особа плус. Затоа пак со цело срце ќе ви пренесам ако видам нешто интересно и го пробам! Продолжи со читање “Лиснати погачици со младо кромитче”
И овие ружички се многу брзи и лесни за правење. Сé што ви треба се убави еластични кори, фил по желба и имате декоративни ружички, а толку вкусни, крцкави и миризливи.
Имаме толку многу рецепти за ориз, а и старите ги подновуваме…
Мене ми е омилено јадење, посебно нашиот ориз.
Во Струмица, оризот подготвен на овој начин го нарекуваме пиљаф. Всушност тоа значи ориз -пилав или пилаф на турски, но овој збор го користиме само за рецептот ориз и фиде во солена варијанта.
Вчера си поиграв малку и направив модерна варијанта, всушност уште едни Ивини момички.
Други варијанти на Ивини момички може да видите овде и овде.
Овие декорации навистина се прават брзо, само ви треба еден цилиндер, ништо друго.
Можете да направите од мала конзерва, отворете ја од горе и одоздола и може да ви користи.
Цилиндерот се става во чинивче и се полни, еден ред ориз, па магданос, па ориз со фиде, пак ориз.
Кога е преполно, се притиска оризот, а со другата рака цилиндерот се подига нагоре. На чинивчето останува оваа убавина 🙂
Сега да се вратиме на пиљафот, најомилениот ориз на Ива, децата многу го сакаат, зашто крцка…
Класичниот рецепт е варен ориз полиен со врел зејтин што има преубав вкус. Јас го правам малку поинаку, а се добива истиот ефект…
Знаете, со кочанскиот ориз е вистинакиот вкус, со другите видови, вкусот е гол…
За Велигден подготвуваме јагнешко и имам најубав рецепт, уникатен, секако, ќе го објавам деновиве 🙂
Е сега бидејќи уште е ладничко, еве ја мојата варијанта на една убава тава, така наречена “селско месо”.
Рецепти има многу, секој е убав, се надевам ќе ви се допадне и овој. Зошто се вика селско месо?
Претпоставувам дека е поврзано со селската кујна, најубава на свет, затоа што таму може сеуште да се готви на тивко, што е основен услов за убавината на овие јадења. Или е поврзано со колењето, па од разни животни се земаат парчиња и се прави тавата…Или ако останело нешто месо, па му се додава и друго и ете превкусна тава…
Продолжи со читање “Селско месо”
